Çështja ka të bëjë lidhur me bartjen e kompetencave nga regjioni i Prizrenit në regjionin e Gjakovës për komunën e Malishevës dhe të Rahovecit.
Pyetja ime konkrete është kjo: Si dhe pse është bërë një bartje e tillë, me çfarë vendimi të Qeverisë nga regjioni i Prizrenit në regjionin e Gjakovës për këto dy komuna?
Të nderuar deputetë, Qeveria komunale, qytetarët e këtyre dy komunave nuk janë pyetur dhe ndihen jashtëzakonisht keq, sepse këto qesin shumë vështirësi në realizimin e këtyre shërbimeve regjionale për këto dy komuna, e veçanërisht për qytetarët e komunës së Malishevës. 21 Komunat i kanë edhe asetet e tyre, bashkëpunimet në ndërmarrjet regjionale, po ashtu i kanë investimet e veta tradicionale dhe historike edhe në kuadrin njerëzor. Prandaj, sikur që ka ndodhur, këto bartje janë bërë në mënyrë të heshtur, apo për të mos thënë krejt në një mënyrë tinëzare. Unë kërkoj një përgjigje për korrektësinë tuaj. Nga këshilltari ligjor i kryeministrit jam marrë në telefon dhe ai më ka thënë se nuk ka ndonjë vendim të Qeverisë, por kjo ka mbetur në kompetencë të ministrive të linjës dhe sinqerisht prej shqetësimeve të qytetarëve të këtyre dy komunave. Nëse s’e ka autorizuar dikë kryeministri për ndonjë përgjigje, unë vetëm e ngreh si shqetësim dhe kërkoj një mirëkuptim nga Komuna e Gjakovës. Nuk kemi asgjë kundër, e kemi një respekt të jashtëzakonshëm edhe si qendër, edhe për nivelin intelektual të qytetarisë, por vështirësitë në aspektin e kohës, në aspektin financiar dhe në aspektin e përgjithshëm për qytetarët e këtyre komunave janë jashtëzakonisht të mëdha dhe të papranueshme dhe qytetarët e këtyre dy komunave janë të shqetësuar.

Pyetja është konkrete: cilat janë masat që i ka marrë Qeveria, përkatësisht Ministria e Punëve të Brendshme, karshi lëvizjeve të Policisë kufitare të Malit të Zi në territorin e Republikës së Kosovës, në një pjesë tashmë e sa kohë të kontestuar?