Pyetja është se sa ka Qeveria informacione për dëmet e shkaktuara nga vërshimet e mëparshme dhe sa është në gjendje Qeveria të bëjë subvencionimin e këtyre dëmeve?

Pyetja ka të bëjë me shlyerjen e borxheve të fabrikës, se me të vërtetë është bërë dasmë, e deri më sot askush nuk është marrë me atë për t’i shlyer borxhet e tyre. Prandaj, edhe pse në këtë Kuvend është marrë vendimi që të bëhet shlyerja e borxheve të këtyre punëtorëve, deri sot askush nuk është marrë me ta. Po ashtu, është edhe vendimi i Gjykatës Kushtetuese, e deri më sot askush nuk e ka implementuar këtë vendim të Gjykatës Kushtetuese.  

Ish kryeministri i Kosovës kishte kërkuar edhe zyrtarisht në Kuvendin e Kosovës krijimin e komunave të reja, madje edhe në ato lokalitete ku banorët nuk kanë parashtruar kërkesë, mirëpo vendimet e gjertanishme për krijimin e komunave të reja dhe premtimet për themelimin edhe të më shumë komunave, po bëhen pa ndonjë vlerësim adekuat nga ministritë përkatëse, ashtu siç kërkohet me Ligjin për kufijtë administrativë komunalë. Edhe përkundër që nuk ekziston bazë e mjaftueshme ligjore për krijimin e tri komunave të reja, është marrë vendim elektoral nga Qeveria e Kosovës.
Pyetja: Çka po ndodhë me këtë proces për krijimin e komunave të reja dhe a ka qenë premtim elektoral apo, ndoshta po e presin prapë fushatën tjetër?

Raporti i Progresit i Komisionit Evropian për vitin 2014 ka vlerësuar se deklarimi i tri zonave të reja ekonomike, duke e përfshirë edhe atë të Gjakovës, janë bërë pa planin e duhur nacional dhe më shumë në bazën ad hoc. Ne jemi të vetëdijshëm se këto zona janë të një rëndësie të veçantë, por që nga premtimi, asgjë tjetër nuk është bërë në këtë drejtim.
Çka po ndodh me këtë proces për krijimin e këtyre zonave që janë me rëndësi të veçantë?