Besoj se ne të gjithë jemi dakord se Kosovës i duhet një qasje e re në këtë sferë, një qasje më e fortë, një qasje më dinamike, një bashkëpunim më i mirë në mes të gjithë dikastereve të sektorit të sigurisë. Aleanca për Ardhmërinë e Kosovës si parti politike vazhdimisht është angazhuar që të zhvillojë, të ndihmojë dhe mbështes politikat shtetërore në fushën e mbrojtjes dhe sigurisë, andaj pyetja e ime për ministrin Haki Demolli është: Zoti ministër, a ka mundësi të na informoni rreth transformimit të FSK-së në Ushtri të Kosovës dhe kur do ta kem Ligjin për Forcat e Armatosura, në Kuvend?

Në kohën e fundit, qytetarët e Kosovës po ballafaqohen me fryrjen e faturave të rrymës, prandaj pyetja ime është: Zoti ministër, pse në Kosovë për çdo muaj po rritet rryma? Pse qytetarët në këtë situatë çfarë jemi, duke pasur parasysh që e kemi papunësinë e madhe dhe ikjen e madhe nga Kosova, e kanë humbur besimin te institucionet e Kosovës, pse ata njerëz nuk thirren në përgjegjësi, por japin fatura të investimeve të pakontrolluara e paushalle në KEDS? 

Republika e Kosovës synon të ndërtoj një sistem funksional dhe modern të sigurisë. Arsimi dhe aftësimi i studentëve universitar në fushën e mbrojtjes dhe sigurisë është e një rëndësie të veçantë dhe ka për qëllim që të ndihmoj në zhvillimin e liderëve të ardhshme të Ministrisë së Mbrojtjes, ose të Ushtrisë së Kosovës.
Prandaj, pyetja ime për ju zoti ministër është: Universiteti i Prishtinës a ka themeluar ndonjë program të veçantë në fushën e mbrojtjes dhe sigurisë dhe nëse jo kur do ta themelojë një program të tillë?

Pyetja ime për ministrin e Infrastrukturës ka të bëjë me kthimin e kontrollit të hapësirës ajrore të Republikës së Kosovës që parashihet të bëhet pas vitit 2019, domethënë pas pesë viteve edhe sipas vlerësimeve pas këtij viti parashihet se diku 1 000 aeroplanë në ditë të qarkullojnë mbi hapësirën ajrore të Kosovës dhe mbi një tarifë diku 50 euro për një aeroplanë fluturues edhe nëse këto statistika i llogaritim del se ka përfitime të jashtëzakonshme domethënë për buxhetin e Kosovës.
Pyetja ime për ju, zoti ministër është: A është duke punuar ministria e juaj që t’i ngritë kapacitetet e veta që pas përfundimit ose pas vitit 2019 të jetë e gatshme që ta marrë menaxhimin e kontrollit të hapësirës ajrore të Republikës së Kosovës?

Pyetja ime për kryeministrin ka të bëjë me Komisionin Qeveritar për Verifikimin e Statusit të Veteranëve dhe të Invalidëve, që i ka skaduar mandati më 24 maj. Sekretaria ka qenë pjesë e këtij komisioni dhe thjesht, pyetja ka pasur të bëjë me çështjen, se kur do të fillojë punën kjo sekretari, sepse kanë mbetur edhe shumë punë pa u bërë. Ka të bëjë me certifikimin e listave përfundimtare.

Çështja që unë dua ta ngre këtu ka të bëjë me Komisionin Qeveritar për Verifikimin e Statusit të Veteranëve, Invalidëve dhe Dëshmorëve. Që nga data 20 maj 2016 faktikisht këtij komisioni i ka skaduar afati, edhe sekretaria ka qenë pjesë e këtij komisioni dhe realisht që nga ajo datë kjo sekretari e ka pezulluar punën e vet, edhe pse kanë mbetur edhe shumë punë pa u kryer, certifikimi i listave përfundimtare, certifikimi i invalidëve, familjeve të dëshmorëve, edhe në kuadër të saj sigurisht edhe formimi i Komisionit për përcaktimin e shkallës invalidore të invalidëve, pyetja ime për kryeministrin është kur do të fillojë punën sekretaria e këtij komisioni?