Shumë prej shkollave në nivel të Kosovës, janë në gjendje të mjerueshme për shkak të mungesës së investimeve në objektet e tyre dhe në infrastrukturën përcjellëse. Njëra nga këto shkolla e cila punon në gjendje të mjerueshme është edhe Shkolla fillore “Shefki Kuleta”, paralelja e ndarë në fshatin Halabak, komuna e Podujevës.
Pyetja për zotin ministër, është: Zoti ministër i Arsimit, a mund të na tregoni se në sa objekte shkollore - baraka, sot në tërë Kosovën, zhvillohet mësimi i fëmijëve tanë, dhe cila është politika e juaj që të mund të arrini për t’i futur në prioritet të ndërtimit këto objekte shkollore?