Siç jemi të njoftuar të gjithë deputetë dhe qytetarët e Republikës së Kosovës, ka qenë një tender i hapur për pajisje me GPS të veturave zyrtare të Republikës së Kosovës.
Pyetja ime është kjo, zoti ministër: Si është gjendja e GPS, mirëmbajtja e këtij programi dhe sa është funksional ky program?  A e kanë funksional të gjitha dhe a raportojnë të gjithë te ju, në Ministrinë tuaj, për harxhimet të cilat i bëjnë këto vetura, pasi e dimë që është një kosto shumë e madhe dhe derisa disa ministri e kanë GPS dhe monitorohen e disa të tjera nuk e vendosin, tash dëshiroj të di ku qëndron problemi? A varet prej ministrit të japë ndonjë urdhër ose një rregullore që mos të vendosen GPS nëpër vetura e dikasterit të tij, apo kjo është vullnetin e të gjithë të tjerëve që të veprojnë si të duan?