Qeveria e kaluar në kuadër të prioriteteve të saj e ka pasur edhe ndërtimin e objekteve shkollore, me qëllim të krijimit të hapësirave të mjaftueshme për zhvillimin normal të procesit edukativo- mësimor. Në komunën prej nga vij unë janë dy objekte shkollore që kanë nisur të realizohen që nga viti 2013, objekti i shkollës fillore “Dëshmorët e Qyqavicës” në Qirez, dhe objekti i gjimnazit “Hamëz Jashari” në Skenderaj, të cilat ende nuk kanë hyrë në fazën përfundimtare. Edhe këtë vit është ndarë një shumë e mjeteve për t’i vazhduar këto dy projekte, mirëpo ato nuk mjaftojnë për përfundimin e tyre. Unë e kam të qartë që janë projekte në bashkëfinancim me Komunën.
Pyetja ime për ministrin është: Zoti ministër, deri ku ka shkuar ky proces dhe kur pritet të përfundojë ndërtimi i këtyre objekteve shkollore?

Qeveria e Kosovës nëpërmjet politikave të saj duhet ta krijojë një ambient të përshtatshëm për zhvillim dhe operim normal të bizneseve, një mjedis të favorshëm për investime private vendore dhe për investime më të mëdha nga jashtë, duke i lehtësuar kushtet dhe eliminuar barrierat dhe procedurat burokratike, e po ashtu sundimi i rendit dhe ligjit të jenë në funksion të mbrojtjes së bizneseve dhe investimeve, sepse nuk mund të ketë sistem të mirëfilltë ekonomik pa sundim të rendit dhe ligjit. Sipas hulumtimeve të bëra nga organizatat financiare ndërkombëtare dhe ato vendore, si dhe analizave të reja nga Banka Evropiane për Rindërtim dhe Zhvillim për rajonin janë identifikuar një varg pengesash për një mjedis së shëndoshë të biznesit, por më të theksuara janë: konkurrenca e pandershme, si dhe fenomeni i informalitetit dhe korrupsionit që janë në nivel të lartë, e që ndikon negativisht në ekonominë e vendit. Ky nivel i lartë i këtyre fenomeneve rrezikon rritjen ekonomike dhe frenon investimet e jashtme. Pyetja për ju, zoti ministër, është kjo: Në cilën masë është shkalla e informalitetit sot në Kosovë, nëse keni ndonjë analizë nga ministria të cilën ju e drejtoni? 

Më interesojnë hapat konkretë që do të ndërmerrni, në mënyrë që shkalla e informalitetit të jetë në nivelin apo shkallën e lejuar dhe a ka ndonjë kompani që është më e përkrahur dhe më e privilegjuar? 

Që ta kemi një shoqëri të formuar dhe të ngritur denjësisht patjetër se duhet të kemi një rini të shëndoshë. Rinia jonë sot ka më shumë nevojë për sport e kulturë se sa ta tretë kohën e çmuar nëpër kafeteri. Prandaj, institucionet tona kanë për obligim që t’u krijojnë kushte dhe hapësira për zhvillim normal të aktiviteteve sportive e kulturore, pasi që sporti na mundëson të kemi një trup të shëndetshëm ndërsa kultura na mundëson që shpirti ynë të jetë i mbushur me lumturi e dashuri. Në disa komuna ka ca vite që ka filluar ndërtimi i palestrave sportive me qëllim të krijimit të hapësirave të mjaftueshme për zhvillim normal të aktiviteteve sportive. Në komunën e Skenderajt, një projekt i tillë ka filluar që nga viti 2009, por ende nuk ka përfunduar. Edhe këtë vit është ndarë një shumë e mjeteve për të vazhduar këtë projekt, mirëpo nuk mjaftojnë për përfundimin e kësaj palestre.

Pyetja ime ishte: Zoti ministër, kur pritet që ky projekt të përfundojë në mënyrë që klubet sportive të kësaj komune t’i zhvillojnë ushtrimet dhe garat në ambientet e kësaj palestre? Dhe, meqenëse ministri nuk është këtu, desha t’ia përkujtoj se që nga vërja e gurthemeliti të kësaj palestre janë ndërruar 4 ministra. Do të dëshiroja që ky ministër ta përfundojë këtë projekt sa më shpejt, para mandatit të tij.

Projektet e zhvilluara në infrastrukturën rrugore janë të shumta dhe janë zhvilluar në çdo pjesë të Kosovës, duke ndërtuar rrugë lokale, regjionale dhe autostrada, të cilat kanë mundësuar lehtësi në qarkullimin dhe lëvizjen e mallrave e të njerëzve. Projekti i zgjerimit të rrugës nga segmenti Klinë e Epërme – Skenderaj – Drenas – Komaran, i nisur prej Qeverisë së kaluar, ende nuk ka hyrë në fazën përfundimtare të tij dhe, përkundrazi, nëse vazhdon me këtë dinamikë, do të duhen edhe disa vjet për ta përfunduar këtë projekt, sepse segmenti nga Klina e Epërme – Skenderaj – Polluzhë, edhe pse ka filluar punimet qe dy vjet, ende nuk është kompletuar, ndërsa nga segmenti Polluzhë – Drenas – Komoran as që ka filluar të zgjerohet, sepse nuk kemi ende asnjë procedurë të zhvilluar për këtë segment. Pyetja ime është: -Zoti ministër, deri kur pritet të përfundojë segmenti rrugor nga Klina e Epërme – Skenderaj – Polluzhë dhe kur pritet të fillojë ndërtimi apo zgjerimi i segmentit rrugor Polluzhë – Drenas – Komoran?

Ndertimi i Palestrs sportive ne Skenderaj ka filluar ne vitin 2009, por ende nuk ka perfunduar. Kete vit eshte ndare nje shume e mjeteve per kete projekt por qe nuk do te mjaftoj ne perfundimin e ketij projekti. Kur do te perfundoj ndertimi i kesaj palestre ne menyre qe klubet sportive te kesaj komune do ti zhvillojne ushtrimet dhe garat ne ambientet e kesaj palestre?

(Pyetje me shkrim për përgjigjje me gojë)

Z. Ministër, deri ku ka shkuar dinamika e procesit ‘Kosova e Re’ dhe kur pritet të filloj ndërtimi i termocentralit ‘Kosova e Re’?

Monopoli është e drejta që e ka vetëm dikush për të prodhuar diçka, për të tregtuar një mall ose për të përdorur, ose për të shfrytëzuar diçka. Një rast të tillë e kemi në homologimin e veturave që regjistrohen për herë të parë në Kosovë. Në vitin 2009, ndërmjet Ministrisë së Transportit dhe Kompanisë “Euro-Lab” është nënshkruar kontrata dhe dhënia e autorizimit për homologia, pa përfillur dhe pa i shpallur procedurat e 30 tenderimit, e në të njëjtën kohë duke shmangur në këtë formë edhe konkurrencën, duke i dhënë qasje ekskluzive vetëm një kompanie. Në një analizë dhe hulumtim të institutit GAP shihet qartë se kemi një varg shkeljesh ligjore dhe këtu kemi monopol të pastër, që në formën tjetër i dëmton qytetarët se nuk kanë zgjidhje tjetër, e po ashtu nuk kemi liberalizim të tregut në këtë segment. Më 12 gusht të vitit 2015, Qeveria, në pajtim me nenin 119, paragrafi 3 i Kushtetutës dhe dispozitave të Ligjit 03/ L-229 për mbrojtjen e konkurrencës e aprovoi Vendimin nr. 17/44, me të cilin fillohen procedurat për eliminimin e të gjitha veprimeve që kufizojnë konkurrencën e lirë, përmes vendosjes ose abuzimit të pozitës dominuese, ose praktikave që e kufizojnë konkurrencën, si dhe ato të cilat krijojnë detyrime për qytetarët, të cilët nuk janë paraparë me ligjet në fuqi. Pyetja ime për ministrin është: një vendim i tillë ju obligon edhe juve dhe ministrinë të cilin e drejtoni. Më intereson të di se cilat hapa i keni ndërmarrë ju për të eliminuar dukurinë e monopolit në fushën e homologimit?

Pozita sociale e pensionistëve aktualë të Kosovës nuk është e kënaqshme përkundër përpjekjeve të vazhdueshme të Qeverisë së Kosovës që nëpërmjet reformës dhe skemës së re pensionale t’ua përmirësojë gjendjen duke i ngritur pensionet, ngritje e cila nuk është e mjaftueshme, sepse nuk i përmbush kërkesat dhe nevojat elementare të pensionistëve, sidomos të atyre familjeve që e kanë burim të vetëm pensionin e pensionistit. Mirëpo, politika sociale është e varur nga zhvillimi ekonomik më i hovshëm i vendit, prandaj kërkohet një strategji zhvillimore për një zhvillim të harmonizuar ekonomiko-social, sepse problemet sociale janë pengesë e zhvillimit në përgjithësi. Në bazë të Ligjit për skema sociale të financuar nga shteti, dhe nenit 16, ministri merr vendim për ndalesa të pensioneve të familjarëve të dëshmorëve dhe martirëve dhe kategorive të tjera, të cilët kanë marrë dy lloj pensionesh: pensionistët kontributdhënës apo pensionistët përfitues të pensioneve të pleqërisë i marrin këto pensione si rezultat i kontributit dhe si e drejtë që fitojnë me këtë ligj, kurse pensionet tjera për djalin dëshmor apo martir, për vajzën dëshmore apo martire, e marrin si të drejtë që u takon sipas Ligjit për statusin dhe të drejtat e dëshmorëve, invalidëve, veteranëve, pjesëtarëve të Ushtrisë Çlirimtare të Kosovës, viktimave civile dhe familjet e tyre. Pyetja ime ka të bëjë me këtë: Kur mund ta sjellë ministri këtë ligj për ndryshim apo plotësim në mënyrë që të gjejmë një formë adekuate që këto pensione të mos u ndalen këtyre familjeve?

Me marrëveshjen e Brukselit për telekomunikacionin Kosova ka fituar kodin telefonik +383, e cila ka hyrë në fuqi më 15 dhjetor 2016. Ky lajm bëri jehonë në mediat e shkruara dhe elektronike. Nga ministrja për Dialog u tha në një konferencë për shtyp se është një arritje e madhe, ditë e veçantë dhe historike për shtetin e Kosovës. Po ashtu, mediat në Serbi, duke iu referuar autoriteteve serbe, shtrirjen e kodit serb në Kosovë e kanë konsideruar si historike. Në anën tjetër, lexova deklaratën e shefit për komunikim e media në selinë e ITU-s në Gjenevë, Dimitri Leger, i cili për agjencinë e lajmeve “Presheva jonë” tha: “Mund t’ ju konfirmoj se në emër të Unionit Ndërkombëtar të Telekomunikacionit se ky kod nuk është dhënë nga ITU-ja”. 37 Sipas zyrtarit të ITU-s në Gjenevë, nëse ky kod qenka dhënë nga ITU-ja, pse atëherë Prishtina zyrtare nuk bëri marrëveshje me ITU-në në Gjenevë, por me Beogradin. Këtë deklaratë e bazon duke iu referuar deklaratave të Edita Tahirit për medie në Kosovë, të cilat kanë shkruar se kodi u është dhënë nga ITU-ja. Pyetja ime ka qenë:

Cila është e vërteta e kësaj marrëveshjeje, sepse edhe për Kosovën, edhe për Serbinë, është cilësuar si historike? Dhe nëse kjo për dy shtetet është historike, atëherë cili është fituesi?

Në marrëveshjen e Brukselit për telekomunikacionit Kosova ka fituar kodin telefonik + 383, e cila ka hyrë në fuqi më 15 dhjetor 2016. Ky lajm bëri jehonë në mediat e shkruara dhe elektronike. Nga ministrja për Dialog u tha në një konferencë për shtypë se është një arritje e madhe dhe ditë e veçantë, edhe historike, për shtetin e Kosovës. Po ashtu në mediet në Serbi, duke iu referuar autoriteteve serbe, shtrirjen e kodit serb në Kosovë e kanë konsideruar si historike. Në anën tjetër, e lexova deklaratën e shefit për komunikim me media në ITU në Gjenevë, i cili për agjencinë e lajmeve “Presheva Jonë” thotë se mund të konfirmojë në emër të Unionit Ndërkombëtar të Telekomunikacionit se ky kod nuk është nga ITU-ja. Sipas zyrtarit të ITU-s në Gjenevë, nëse ky kod qenka dhënë nga ITU-ja, pse atëherë Prishtina zyrtare nuk bëri marrëveshje e ITU-në në Gjenevë, por me Beogradin. Këtë e bazoj në deklaratën Edita Tahirit, e cila thotë se kodi është dhënë nga ITU-ja.

Pyetja ime është kështu: Cila është e vërteta e kësaj marrëveshjeje? Sepse edhe për Kosovën, edhe për Serbinë është cilësuar si historike kjo marrëveshje dhe nëse kjo për dy shtete është historike, atëherë cili është fituesi?

Ne jemi dëshmitarë të problemit të demarkacionit tash e dy vjet, i krijuar nga të gjithë pavarësisht, pozitë e opozitë, por që është problem faktik që po përdoret edhe për arsye të tjera të njohura dhe në këtë frymë iniciativat e nisura nga ju së fundmi si iniciativë e radhës, ajo me krijimin e një komisioni, ju nuk keni ftuar ekspertë nga Fakulteti i Ndërtimtarisë, Katedra e Gjeodezisë dhe Kadastrës, e cila është kompetentja kryesore për problemet kadastrale dhe gjeodezike.

Pyetja ime është: Pse nuk është ftuar ndonjë ekspert nga Katedra e Gjeodezisë dhe Kadastrës në Komisionin për matjen e territorit të Kosovës?