A është ndërmarrë ndonjë veprim konkret nga Qeveria juaj për zhvillimin ekonomik dhe për hapjen e vendeve të reja të punës, gjë e cila do të ndërpriste sadopak këtë shpërngulje të qytetarëve nga vendi ynë? 

Në seancën e Kuvendit të Kosovës, të datës 2 shkurt 2015, është miratuar Rezoluta për pengimin e migrimit ilegal të qytetarëve të Kosovës, ku njëra nga pikat e kësaj Rezolute ka qenë edhe krijimi i fondeve për pengimin e migrimit legal. A është krijuar Fondi për pengimin e migrimit ilegal, sa është ndarë ky në këtë fond dhe kur do të fillojë të implementohet në jetën e përditshme?

Më 16 korrik është bërë rishikimi i buxhetit të Republikës së Kosovës dhe janë përafërsisht rreth 52 milionë euro më pak në arkën e shtetit. Ndërsa, ju zoti kryeministër gjatë fushatës elektorale keni premtuar rritje të buxhetit deri në 500 milionë euro për çdo vjet. Pyetja: çka po ndodh me premtimet e juaja? A është dështim i radhës i Qeverisë tuaj, të cilën po mundoheni ta kaloni në heshtje? 
Kryeministër, a mundeni ju ose dikush nga qeverisja e koalicionit tuaj ta konfirmoni hapjen qoftë edhe të një vendi të ri të punësimit në Kosovë duke përjashtuar fabrikën e mallit të punësimit, administratën publike që keni dërguar numrin deri te 91 mijë punëtorë?