Meqë tani jemi 10 muaj pas miratimit të Ligjit, i cili njeh statusin e personave të dhunuar gjatë luftës, nga mediet kemi dëgjuar që ka nisur të formohet Komisioni qeveritar për personat e dhunuar gjatë luftës mirëpo nuk kemi marrë asnjë informatë zyrtare në lidhje me këtë. 
Andaj, zoti ministër, a i ka përfunduar Ministria të gjitha obligimet? Pra, a është formuar Komisioni qeveritar dhe a janë nxjerrë aktet nënligjore?  Presidentja bashkë me UNWOMEN është angazhuar në draftimin e ligjeve sekondare lidhur me këtë çështje. 
Pyetja ime është, a jeni në bashkëpunim me presidenten, a jeni në dijeni për drafitimin e ligjeve sekondare dhe a do të raportoni në Kuvend veç e veç apo bashkërisht për këtë proces?

Më 27 janar u organizua një protestë paqësore në sheshin “Nëna Terezë”  Në po këtë protestë u përdor gaz lotsjellës dhe plumba gome. Kjo edhe është e dokumentuar. Në një video, por edhe nga dëshmitarët e protestës është parë që një polic ka shtirë me armë zjarri në ajër, veprim i cili nuk ka qenë i nevojshëm. A mund të na tregoni se çka keni ndërmarrë në lidhje me këtë çështje dhe a keni nisur hetimet për një veprim të paligjshëm? A merrni përgjegjësi si ministër i Punëve të Brendshme, për të gjitha veprimet që ka ndërmarrë policia në protestën e 27 janarit?

Në një intervistë për Radio-Evropën e lirë, lideri i Listës Serbe Aleksandër Jablanoviq ka thënë se asociacioni i komunave serbe do të jetë me kompetenca ekzekutive dhe se për këtë janë në dijeni koalicioni qeverisës PDK-LDK dhe për të njëjtën çështje është dhënë premtim dhe është nënshkruar në marrëveshjen që PDK-LDK e ka bërë me Listën serbe.
Pyetja ime është: A mund të na tregoni se a ka marrëveshje të fshehtë për këtë çështje dhe me çfarë baze ligjore keni dhënë garanci për këtë çështje? Çështja e asociacionit do të duhej të ishte çështje e brendshme e Kosovës dhe kush ju ka autorizuar që të bisedoni me Serbinë për kompetencat e këtij asociacioni?

Më 3 shkurt, në një konferencë të jashtëzakonshme tuajën deklaruat se Aleksandër Jablanoviq më nuk është pjesë e Kabinetit tuaj. Në lidhje me këtë, po ju citoj: “Sa i përket ministrit Jablanoviq, ju njoftoj se nga sot ai nuk është pjesë e Kabinetit tim qeveritar”. Pyetja ime është: Pse nuk e keni publikuar ende vendimin tuaj për shkarkimin e ministrit Jablanoviq? 
Meqë prej momentit të shkarkimit Lista serbe më nuk u kthye në Kuvendin e Kosovës, a nënkupton kjo se juve ju janë parashtruar kushte të reja nga Lista serbe dhe nëse po, cilat janë ato? 

 Pyetja ka të bëjë me me aksin rrugor të magjistrales Prishtinë – Mitrovicë.
Herën e kaluar i kam përmendur dy nga çështjet, të cilat janë preokupim i qytetarëve të asaj zone, konkretisht të fshatit Lumëmadh dhe Stanoc, ndërkohë që çështje tjetër që i preokupon banorët e kësaj pjese është hyrja- dalja, e cila aktualisht është e paraparë vetëm për dy familje,  konkretisht familjen Hasani dhe Cakaj, dhe për banorët tjerë të këtyre fshatrave, hyrja e dalja u është mundësuar vetëm në distancë prej tre kilometrash prej fshatrave ku ata banojnë. Qytetarët e asaj pjese po kërkojnë që të marrin nga ju përgjigje, se cilat do të jenë zgjidhjet për çështje që ata i kanë kërkuar lidhur me këtë rrugë, domethënë, që ka të bëjë me Stacionin e Autobusëve, nënkalimin, që i kam përmendur në seancën e kaluar dhe çështja që ka të bëjë me pyetjen time konkrete, është hyrja-dalja për banorët e këtyre fshatrave?

Rregullimi i rrugës Prishtinë - Mitrovicë, përveç se është duke u bërë ndërtim i pa fund, po ashtu është bërë edhe problematik për banorët e fshatrave përreth, me projektimin e kësaj rruge. Çështja konkrete ka të bëjë me unazën e urës dhe infrastrukturën përcjellëse te fshati Lumi i Madh dhe Stanovc. Banorët e këtyre fshatrave ndihen të rrezikuar nga projektimi i tillë që i është bërë rregullimit të infrastrukturës përcjellëse të rrugës e cila është në ndërtim e sipër.
Ministër, kush i ka referuar Ministrisë së Infrastrukturës për zhvendosjen e Stacionit të autobusëve që është në shërbim të këtyre dy fshatrave, nënkalimit i cili është bartë më shumë se 100 metra nga udhëkryqi dhe pse janë duke u bllokuar punimet në unazën e rrugës në fjalë? 
Pyetja tjetër ka të bëjë me shpronësimet në këtë pjesë. Në drejtimin prej Prishtinës për Mitrovicë, pikërisht në këtë pjesë të rrugës për të cilën po flasim, në anën e djathtë janë pronat private, ndërsa në anën e majtë ndodhen pronat shoqërore. Kur është bërë zgjerimi i kësaj rruge, është zgjeruar në anën e majtë, do të thotë duke shpronësuar pronat private, të cilat janë të kushtueshme për buxhetin e Kosovës.
Dhe pyetja ime në këtë rast ka të bëjë me: A keni ndërmarrë ndonjë hap që të fillohet me hetime pse është bërë shpronësimi i pronave private të cilat e dëmtojnë shumë më shumë buxhetin e Kosovës dhe nuk është shkuar në zgjidhjen që të zgjerohet rruga në anën ku ka pronë shoqërore. Pra, a keni ndërmarrë diçka që të fillohen hetimet për korrupsion lidhur me këtë pjesë të rrugës?

Nga mbledhja e parë e përbashkët ndërmjet Qeverisë së Kosovës dhe asaj të Shqipërisë, më 11 janar 2014, dhe marrëveshjeve të dakorduara, Qeveria në Tiranë mori vendim më datë 7 maj 2014 për përjashtimin nga detyrimi për pajisje me leje pune dhe certifikatë regjistrimi në punë për shtetasit e Republikës së Kosovës dhe shtetasit e Republikës së Serbisë, të përkatësisë etnike shqiptare. Në mars 2015, pra një vit më vonë, ministria juaj njoftonte se u firmosën tri marrëveshje bashkëpunimi me Shqipërinë. Nënshkrimi është bërë nga ministri i Mirëqenies Sociale dhe Rinisë, Erion Velijaj, dhe homologu i tij kosovar, Arban Abrashi. Më konkretisht, u arrit marrëveshja për heqjen e lejeve të punës dhe liberalizimin e tregut të punës ndërmjet dy vendeve, nga Gjirokastra deri në Mitrovicë. Shqipëria i ka hequr lejet e punës për shtetasit kosovarë, ndërsa Kosova u zotua ta bëjë këtë shumë shpejt për shtetasit shqiptarë. 36 Po ashtu, u nënshkrua Memorandumi i Bashkëpunimit ndërmjet Institutit të Sigurimeve Shoqërore dhe Fondit të Kursimeve Pensionale të Republikës së Kosovës, me të cilin u ra dakord edhe për nisjen e bisedimeve për njohjen e kontributeve të pensioneve ndërmjet Shqipërisë dhe Kosovës. Marrëveshja e tretë u arrit për qendrat e formimit profesional, ku të rinjtë shqiptarë nga zonat e Hasit dhe Kukësit mund t’i ndjekin qendrat profesionale pa pagesë në Kosovë. Zoti ministër, Pse nuk po e zbatoni marrëveshjen me Republikën e Shqipërisë për heqjen e lejeve të punës për shtetasit e Shqipërisë dhe shqiptarët që jetojnë në shtetet tjera të rajonit, si dhe pse nuk i keni nisur ende bisedimet për njohjen e pensioneve Kosovë-Shqipëri?

(Pyetje me shkrim për përgjigjje me gojë)

Pse nuk po e zbatoni marrëveshjen e nënshkruar (Për përjashtim nga detyrimi për paisje me leje pune dhe çertifikatë regjistrimi në punë, për shtetasit e Republikës së Kosovës dhe shtetasit e Republikës së Serbisë të përkatësisë etnike shqiptare) nga Kryeministri dhe Ministrat e Republikës së Shqipërisë me homologët e tyre në Qeverinë e Kosovës, duke mos i hequr ende lejet e punës për shtetasit e Shqipërisë dhe shqipëtarët tjerë që jetojnë në shtetet tjera të rajonit?

Pyetje me shkrim për përgjigjje me gojë

Tani jemi dy vite e pesë muaj nga mbledhja e dy qeverive dhe një vit e gjysëm nga nënshkrimi i marrëvveshjes për lejet e punës.

Z. Ministër pse nuk po e zbatoni marrëveshjen e nënshkruar nga Kryeministri dhe Ministrat e Republikës së Shqipërisë, me homologët e tyre në Qeverinë e Kosovës, duke mos i hequr ende lejet e punës për shtetasit e Shqipërisë dhe shqipëtarët që jetojnë në shtete tjera të rajonit?

 (Pyetje me shkrim për përgjigjje me gojë)

Në konkursin e fundit të specializimeve  që është ndarë nga Ministria e Shëndetësisë për profile të ndryshme nuk është ndarë asnjë specializim për spitalin e Vushtrrisë duke e ditur që ky spital ka mungesë të mjekëve specialistë të lëmive të ndryshme.

Z.Ministër, a mund të na tregoni pse nuk është ndarë  asnjë specializim për spitalin e Vushtrrisë?

Në konkursin e fundit të specializimeve që është shpallur nga Ministria e Shëndetësisë për profile të ndryshme, nuk është ndarë asnjë specializim për spitalin e Vushtrrisë, duke ditur se ky spital ka mungesë të mjekëve specialistë të lëmenjve të ndryshme.

Zoti ministër, a mund të na tregoni, pse nuk është ndarë asnjë specializim për Spitalin e Vushtrrisë?

Nga mbledhja e parë e përbashkët mes Qeverisë së Kosovës dhe asaj të Shqipërisë më 11 janar 2014 dhe marrëveshjeve të dakorduara Qeveria në Tiranë mori vendim më 7 maj 2014 për përjashtimin nga detyrimi për pajisje me leje pune dhe certifikatë regjistrimi në punë për shtetasit e Republikës së Kosovës dhe shtetasit e Republikës së Serbisë të përkatësisë etnike shqiptare. 32 Në mars të vitit 2015, pra një vit më vonë, Ministria e Punës dhe Mirëqenies Sociale njoftonte se u firmosën tri marrëveshje bashkëpunimi me Republikën e Shqipërisë. Nënshkrimi u bë në atë kohë nga ministri i Mirëqenies Sociale dhe Rinisë, Erion Veliaj dhe homologu i tij, Arban Abrashi. Më konkretisht, u arrit marrëveshja për heqjen e lejeve të punës dhe liberalizimin e tregut të punës ndërmjet dy vendeve nga Gjirokastra deri në Mitrovicë, Shqipëria i ka hequr lejet e punës për shtetasit nga Kosova, ndërsa Kosova u zotua ta bëjë këtë shumë shpejt për shtetasit e Republikës së Shqipërisë. Në pyetjen e shtruar ministrit të Punës dhe Mirëqenies Sociale, Arban Abrashi, në njërën nga seancat e kaluara ai u përgjigj se për këtë duhet ta pyesim ministrin e Punëve të Brendshme dhe se Ministria që drejton ka lobuar për këtë ndryshim, si dhe e ka kryer punën, por Ministria e Punëve të Brendshme ende nuk e ka realizuar pjesën e saj. Tash jemi dy vjet e pesë muaj nga mbledhja e dy qeverive dhe një vit e gjysmë nga nënshkrimi i marrëveshjeve për lejet e punës. Pra, ministri nuk e zbatoi këtë marrëveshje dhe pyetja ime për të në këtë rast është: A ka nevojë për ndihmë për t’i shkruar ato amendamente, që janë të nevojshme?