Pyetjet drejtuar deputetit Mytaher Haskuka

  • 30/09/2016 Pyet: Ylber Zajmi Prishtinë

    Pse në leximin e parë të Projektligjit për Mbrojtjen e Fëmijëve, u deklaruat kundër tij?

    24/12/2016 Pas 85 ditëve

    Drafti i parë i Projektligjit për mbrojtjen e fëmijës i cili u votua në lexim të parë ka shumë mangësi, por mangësitë kryesore janë që nuk ka role të definuara mirë për mbrojtjen e fëmijës, nuk ka përgjegjës institucional për zbatimin e ligjit, nuk ka buxhet të paraparë për zbatimin e ligjit. P.oashtu ligji ka plot gabime gjuhësore dhe është një ligj reagues, nuk është ligj parandalues dhe së fundi nuk ka sanksione për shkelësit e ligjit. Në aspektin e përgjithshëm nëse duam me të vërtet një ligj që do t’i mbroj fëmijët duhet të kemi një ligj të zbatueshëm. Prandaj gjatë konsultimeve, unë kam propozuar ndryshime përmbajtjësore lidhur me caktimin e roleve përgjegjëse për zbatimin e ligjit, planifikimin buxhetor dhe sanksionet për ata që bëjnë shkelje ligjore kundër fëmijëve dhe pika parandaluese që parashihen për mbrojtjen e fëmijëve nga dhuna dhe shfrytëzimi. Në këtë aspekt besoj që nëse këto mirren parasysh ligji me të vërtet do t’i mbroj fëmijët nga dhuna dhe shfrytëzimi.