Si Komision parlamentar që mbikëqyrni punën e ministrisë së Punës dhe Mirëqenies Sociale, une si qytetar i rëndomtë që paguaj taksat më intereson të di:  A e keni shqyrtuar raportin mbi zbatimin e Ligjit të Punës dhe a e keni ftuar për raportim ministrin e punës dhe kryeinspektorin e punës para komisionit? - Pse nuk kërkoni një raport të detajuar mbi abuzimin e të drejtave të punëtorëve nga punëdhënësi kryesisht sektori privat dhe cilat masa ka ndërmarr Inspektorati i punës ? - Pse askund nuk është e rregulluar me ligjin e punës apo ndonjë rregullore tjetër afati kohor i lejuar për ushtrimin e pozicionit së UD- Ushtrues detyre (kjo është e rregulluar të shërbyesit civil me Ligjin e Shërbimit Civil), kur dihet se ka shumë pozicione udhëheqëse sidomos në ndërmarrje publike që me vite ushtrohen si UD?